Themen dieses Kurses

  • Allgemeines

    • NY LAHATSORATRA FAMOTOPOTORAN-KEVITRA

      Famaritana:

      Lahatsoratra tsy mirindra entin’ny mpanoratra hanadihadiana sy mamelabelatra lohahevitra iray ny lahatsoratra famotopotoran-kevitra.

       

      Sokajiny:

      ·         Lahatsoratra manoritsoritra

      ·         Lahatsoratra manazava hevitra

      ·         Lahatsoratra mandresy lahatra

      Indraindray dia mety hiaraka ireo sokajy ireo ao anaty lahatsoratra famotopotoran-kevitra iray, arakaraka ny mpanoratra azy ihany.

      * Tsara ihany koa ny manamarika eto fa misy ny sokajin-dahatsoratra mitantara izay tsy mba isan’ny Lahatsoratra famotopotoran-kevitra

       

  • Lahatsoratra manoritsoritra

    • NY SOKAJIN-DAHATSORATRA MANORITSORITRA

      1.      Famaritana :

                  Lahatsoratra mandoko zavatra iray ka manasongadina ny toetrany, ny endriny, ny fihetsiny, ny bikany, ary ny zavatra hita eo aminy ny lahatsoratra manoritsoritra.

       

      2.      Ny firafiny :

      -          Misy lamina arahin’ny mpanoratra izay tsy mikorontana

      -          Misy fatra ataon’ny mpanoratra: habe , hafohy, halava, hakely

      -          Misy sehatra ifantohan’ny fijery sy ny fisainana

      Oh: zavatra, bika, toetran’olona, toerana

       

      3.      Ny mampiavaka azy:

      ·         Endrika ivelany:

      Ahitana betsaka an’ireto:

      -          Filazam-potoana ankehitriny amin’ny matoanteny

      -          Mari-piatoana

      -          Mpamari-toetra

      -          Tambin-teny sy mpanampy

      -          Mpisolo isakarazany

      -          Sarin-teny fampitahana, toy ny fanomezana aina ny tsy manana aina

      -          Teny verindroa

      -          Fehezanteny fohy

       

      ·         Vontoatiny

      -          Toy ny mahita mivantana sy mahazo sary an-tsaina ny zavatra soritsoritana ny mpamaky.

      -          Tsy misy mpandray anjara afa-tsy ny mpanoratra ihany.  

       

       

  • lahatsoratra manazava hevitra

    • NY SOKAJIN-DAHATSORATRA MANAZAVA HEVITRA

       

      1.      Famaritana:

                  Lahatsoratra mamakafaka, manadihady, mamelabelatra na mivaofy lohahevitra iray ny lahatsoratra manazava hevitra:  mikendry ny hampita hafatra na hevitra, fanampim-panazavana, fanampim-pahalalana misarika ny mpamaky handinika na hikaroka.

      2.      Ny firafiny:

      -          Misy andininy miendrika fampidirana ka mety hamaly ny iray amin’ireto fanontaniana ireto:

      ·         Ahoana no anehoana ireo?

      ·         Ahoana ny fisehony?

      ·         Manahoana ny fizotrany?

      ·         Inona no antony?

      ·         Inona no vokany?  ...

       

      -          Ahitana andininy maromaro manazava ny antony sy ny vokany na koa famahana olana.

      -         Misy andininy toy ny famaranana izay mety hametraka olana vaovao azo vahana any amin’ny lahatsoratra hafa.

       

      3.      Ireo mampiavaka azy:

      -         Ny fampiasana ny filazampotoana ankehitriny.

      -         Ahitana teny na andianteny anaty faragony sosona

      -         Ahitana teny anaty fonon-teny

      -         Tsy hita soritra ny mpanoratra fa izy ihany no manazava

      -         Mety ahitana endrika fifamalian-dresaka ny fanazavan-kevitra tsy mitovy

      -         Mety misy sorabaventy na soramandry

      -         Mety hisy teny mihataka amin’ny fampiasa andavanandro

      -         Ahitana fehezanteny lava misy mpampitohy na mpampiankina, toy ny : sy, fa, kanefa, …

      -         Ahitana an’ireo voambolana manazava:

      o   Araka izany

      o   Izany hoe

      o   Ny atao hoe

      o   Noho izany

      o   Izany no atao hoe

      o   Satria

      o   Vokatr’izany….

       

       

  • lahatsoratra mandresy lahatra

    • NY SOKAJIN-DAHATSORATRA MANDRESY LAHATRA

       

      1.      Famaritana:

                  Lahatsoratra natao hitaona ny mpamaky na koa hisarika ny sainy mba hanaraka ny hevitry ny mpanoratra.

       

      2.      Ny firafiny:

      -            Ahitana ny tsangan-kevitra sy tohan-kevitra

      -            Misy andininy manazava ahitana andininy na fehezan-teny mandresy lahatra na mitaona ny mpamaky

      -            Indraindray dia sady manazava no mandresy lahatra ny mpanoratra

       

      3.      Ireo mampiavaka azy:

      -            Ny fampiasana ny ohabolana na oha-pitenenana.

      -            Miditra ao amin’ny lahatsoratra ny mpanoratra ka mampiasa ny mpisolo tena:

      o    -ko;  izahay; -ntsika; isika, …

      -            Mampiditra ny mpamaky ho isan’ny mpandray anjara ihany koa izy ka mampiasa ny mpisolo tena : -nao, ianareo.

      -            Ahitana teny aman-tovana mandidy

      -            Ahitana ny filaza mandidy mandrara : aza, mba

      -            Ahitana ny filaza mandidy mirary:  samia, enga anie, aoka mba, andeha, antenaiko fa, miangavy, mitalaho, tokony …

      -            Ahitana ny filaza mandidy manery: tsy maintsy, mandidy antsika…, tsy azo ialana,

      -            Ahitana ny andian-teny fanamafisan-kevitra: Izay indrindra; Raha mitohy izao; Raha miezaka isika; Koa entanina isika; Raha miara mientana isika; …

       

       

      OHATRA AMIN’NY LAHATSORATRA FAMOTOPOTORAN-KEVITRA 

      ·         Ny siansa sy ny fivavahana: tamin’ny vanim-potoana ny fankan-tahaka

      ·         Torohevitra amin’ny bal _RADIUM RHOSALIS (RAMAHOLIMIHASO)

      ·         Ny fanagasiana _ EDA

      ·         Filozofia Malagasy _R.P RAHAJARIZAFY

      ·          Ny finona sy ny fombany _ Adolphe RAZAFITSALAMA

      ·         Fanabeazana sy fiainam-pirenena _ Fety Michel

      ·         Maty ve RATSIMANDRAVA? _ EDA