Themen dieses Kurses

  • Allgemeines

    • SOMBIN-TANTARA

       

      1.       Famaritana:

                  Tantara fohy nefa feno mamerina ny ampaham-piainan’olona tena nisy na noforonin’ny saina fotsiny izay anasongadinana toe-javatra manokana tiana hampitaina ny sombin-tantara: mahaliana na azo tohizana ao an-tsaina na dia efa tapitra aza.

       

      2.       Ny firafitry ny sombin-tantara:

                  Ireto avy ny mandrafitra ny sombin-tantara:

       

      Ø  Ny fanombohana ny tantara

      Ø  Ny vontoatin’ny tantara:  

      Tsy maintsy misy singa telo ny toe-javatra tantaraiana tarafina amin’ny mpandray anjara fototra:

      ·         Toe-javatra iaingana :

      ·         Toe-javatra mpanova na singa mpanova

      ·         Toe-javatra iafarana

       

      Ø  Ny famaranana 

       

      3.       Ny mpandray anjara:

      ·         Mpandray anjara fototra (ifantohan’ny zavatra tantaraina)

      ·         Mpandray anjara mpanampy (mampivoatra ny tantara)

      ·         Ravaka ( mpandray anjara mandravaka ny tantara fotsiny)

       

      4.       Ny vontoatiny:

                  Ny vontoatiny ny sombin-tantara dia lesona na fananarana ampitaina amin’ny alalan’ny tantara. Tsy mahagaga araka izany, raha ny olam-piainana miseho eo amin’ny mpandray anjara fototra na vonan-tantara  mateti-pitranga amin’ny fiarahamonina no zary toe-zavatra tantaraina.

       

      5.       Ny antony ilana ny sombin-tantara

      a. Fanabeazana

      Fanabeazana izy satria azo isintomana lesona na fananarana.

      b. Fialam-boly

      Fialam-boly izy satria mahasondriana ny mpamaky azy; mampihomehy indraindray ary manala sorisory.

      Oh: Ny fihetsika nifadiso nataon’ny Rainibedaoro sy Rasinoro ao amin’ilay sombin-tantara mitondra ny lohateny hoe “Midongy angaha isekely” izay nosoratan-dRAMANGAMALEFAKA

      d.  Fampivoarana

      Mampivoatra ny sombin-tantara satria ahitana ireo lesoka maro samy hafa eo fiarahamonina izay tsy tokony hatao intsony ho fananarana sy lesona amin’ny fiainana andavanandro koa izy.

       

      6.       Ny maha zava-kanto azy

      Zava-kanto tokoa ny sombin-tantara satria:

      -         Misy famoronan’ny saina hahafinaritra ny mpamaky

      -         Mitondra ny mpamaky hahazo sary an-tsaina ho toy ny nahita maso ny zavatra tantaraina

      -         Hain’ny mpanoratra koa ny mifantina ny voambolana sy ny rafi-pehezanteny ampiasaina sy ny maneho ny fihetsika ataon’ny mpandray anjara amin’ny alalan’ny fahaizany mitantara, hisarihana sy hifantohan’ny sain’ny mpamaky.

       

       

      7.       Ireo karazana sombin-tantara